大和ぬ風

アーティスト下地勇
作詞下地勇
作曲下地勇
ハイ、タバコ吹きゃ! 貴方タバコを吹かだか
まず んざぬが痛んがぁ
"大和んきタバコゆ吹き゚ 習い
クキークキ島んかい戻り来たー我かい
母ちゃんが どぅあーし゚ゅーたー事
今どぅーら思す゚出れー
"母ちゃん! 我や大和んきさーち働き
銭ぬ儲き来うじゃばやい" 大口ばたたき
旅んかいてぃ出でぃぴす゚たーすがどぅ
んぞーさ銭なにゃーだな 明日まい見いれん暮らすゆしゅーたー
何ぬ為んが 我や島を出でぃ来たーがーら
銭ぬにゃだか 心ぬ底がみ 寒しむぬ
我がどぅかんしうーてぃや 思いまいみーんだら 母ちゃん
やぐみ子をどぅ産しゅーき゚てぃ ぷじ笑いふぃーる
大和ぬ風や寒しむぬどー
コートぬにゃーだか 死なっでぃどぅうー

"ハイ 君まーんてぃや くまぬ家ぬ子あらんやば ずー 我とぅまーつき行かでぃ"
アラブぬ石油王がどぅ 寝っゔゅう我が 枕ぬ横らん来すてぃ
プールつきぬ大邸宅んかい さーりー行かれす゚ 夢小を見いたー
"ぴるますむぬ アラブ人ぬどぅ宮古口うあーし゚ゅーてぃや
うりぇのーてぃぬばーがーら"
かんし思うた時んどぅ ビャッてぃ夢から目覚り
"汝死んがみ働かだなならんどー"
神ぬ声ぬ聞かれーたー
アイロンぬ一つやーつ かきつぁーまい知さん
まかす゚道具ぬ一つ すずみれーん
すきゃーりアパートぬ部屋ん 一人座し゚ぃ
自分が道ゆ めーげー見い
ただういがまし 負きれいでぃが
貴方が子やむぬ我や貴方が子

"ハイ 貴方 盆月んな 島んかい口ばし
向いのーす゚しーるよー マイフカ"
銭まい線香まいにゃーん我かい
電話ゆしーふぃーたー 母ちゃん
アパートぬ階段うーてぃ 島んかい口ばし 手ゆかみたー
立てぃ味噌がもうまい飲み
自分が島ぬ事うまい
ぴゅうすんな思す゚出しよー
自分し作たー味噌ゆ
ならんてぃすすけー 送りふぃーたー 母ちゃん
あすがどぅガス代まい払いうらんやば ういが飲まれーでぃが
あんしゅーてぃまい あてぃやーすかいば
冷水んかいんす味噌う入し゚
ぐずぐずてぃ 飲みみーるばどぅ 涙や出でぃ
母ちゃん 冷立てぃ味噌やすが うわが香ざしーどぅーど
すまんど まーんてぃ 味噌や水んな溶きん
貴方がめ まんてぃぬ プリムヌてぃ
んな一回 我ぬぅいし゚ふぃーる

生まり島ぬ海む思い出し
貴方が子やむぬ我や貴方が子

50音・ABC検索


  • このエントリーをはてなブックマークに追加